Azərbaycan Ümid Partiyasının sədri İqbal Ağazadə LAF TV kanalında Leman Eleşrefqızının təqdimatında 7 iyul 2025-ci il canlı efir qonağı olub.

Sözügedən efiri izləyicilərə təqdim edirik:
https://www.youtube.com/watch?v=j08Awk04C58

Rusiyanın bu gün bizdən apara biləcəyi böyük bir şeyi yoxdur. Bunu hər kəs
bilsin. Rusiyadan hamı qaçır, biz niyə Rusiyaya meyillənirik? Bizim Rusiya ilə
sözdə olan strateji müttəfiqliyimiz belə kağız üzərindən o tərəfə keçə biləcək
müttəfiqlik deyil. Sənə sual verirəm: strateji müttəfiqsən, 95% ixracın Rusiya ilə
bağlı deyil, necə Rusiya ilə müttəfiqsən? Sənin 95% neft ixracının 42%-i İtaliya
ilə bağlıdır. Sən necə Rusiya ilə strateji müttəfiqsən? 22 fevral 2022-ci il
tarixində Rusiya ilə imzalanmış müqavilədən sonra sən Rusiyadan 1 manatlıq
silah almısan? Sən silah da almırsan. Sən idxal-ixrac prosesində əhəmiyyətli rol
oynamırsan. Sən hardan strateji müttəfiqsən?
Sözdür, qoy olsun: dostuq, qardaşıq, hər bir şey, amma biz də yolumuzu bilirik,
biz də Azərbaycan olaraq bir şeylərə gedirik. Nədən bundan narahat olmağa
dəyər? Ümumi Azərbaycanın idxal-ixrac prosesində Rusiyanın faizi 6%-dən
yuxarı keçmir. Bu, narahat edici fakt deyil. İqtisadiyyatı az-çox bilən şəxslər
bilir ki, 6% faiz heç bir şey əldə eləmir. Buna görə də bundan çəkinmək lazım
deyil. Kim nə deyir? Dava etməkdənsə, gəlib danışacağıq.
Bizim ən qorxduğumuz, ən incə, həssas yerimiz Qarabağ və
Azərbaycan–Ermənistan münaqişəsi idi. Biz bunu çəkmişik, bu sərhədlərimizi
qoymuşuq. Biz qırmızı xəttlərimizi də bu istiqamətdə müəyyənləşdirmişik.
Suveren hüquqlarımızı da ərazimizin hər yerində bərpa etmişik. Rus qoşunları
da Azərbaycandan çıxıb. Daha nədən çəkinirik? Nədən qorxuruq?
Qorxacaq bir yerimiz – daxildə milli birliyimizi və sabitliyimizi pozmasıdır.
Bəzən biz özümüz daxildə naz edirik. Hesab edirik ki, iqtidarın daxildə
problemləri var. Bəli, var. İnsan haqları, demokratiya, seçki, sosial vəziyyət ilə
problemləri var. Bunun üzərindən vətən-millət məsələsində nəyəsə göz yummaq
və ya yaxanı kənara çəkmək qətiyyən olmaz.
Bu dövlət hamımızındır və biz hamımız buna məsuluq: vətəndaşından tutmuş
siyasətçisinə qədər, müxalifətindən tutmuş iqtidarına qədər. Bu istiqamətdə
yeganə düzgün yol – milli birlikdir.

Hər kəsin, xüsusilə də qeyd etmək istəyirəm ki, Azərbaycan Prezidenti də,
diplomatiya da bu istiqamətdə olduqca doğru və incə bir siyasət aparır.
Çəkinmədən bunu qeyd etmək lazımdır. Çətin və mürəkkəb bir dövrdə çox
doğru bir xətt aparır. Bəzən o qədər sərt olur ki, Azərbaycan müxalifəti belə bu qədər sərt ola bilmir. Bəzən o qədər yumşaq olur ki, o yumşaqlığın qarşısında
rəqib olanlar belə yavaşca geri çəkilməli olurlar.
Yəni diplomatiya budur: qapıları örtmədən, hər bir qapının açıq olması –
maraqların və mənafeyin qapılar istiqamətində qorunması. İndi də qapılarımız
açıqdır. Danışmaq istəyən, istər rəsmi, istər qeyri-rəsmi, gəlməlidir, oturub
danışmalıyıq. Müharibədən və davadansa oturub danışmaq yaxşıdır. Danışaq,
görək nədir narahat edən, bizdən nə istəyirsiniz, istəyinizi verə bilirikmi? Bəli,
Rusiyanın bəzən elə istəkləri olur ki, biz onları verməyəcəyik. Amma bizim
verməməyimiz də gətirib müharibəyə çıxartmamalıdır. Əvvəla, çıxartmayacaq
da, ona görə ki, bizim bu regionda tək olmadığımızı, müttəfiqlərimizin
olduğunu hər kəsə məlumdur. Xankəndindəki görüşdə çevrə dövlətlərinə mesaj
idi əslində. Burda fundamental mesaj var ki, Pezekişianın İranın başında olması
bu gün Azərbaycanla heç bir vaxt olmayan münasibətlər sistemini yumşaldır.
Prezidentin və ya prezidentlərin münasibəti olduqca əhəmiyyətli bir yumşaqlığa
gətirib çıxarıb. O yumşaqlığın içərisində mütləq və mütləq narahat olan tərəflər
var. Onlardan biri də Rusiyadır. Çünki Azərbaycanın nə qədər çox düşmənləri
olacaqsa, digər dövlətlərlə nə qədər çox ritorikası olacaqsa, Rusiyanın əli-qolu
elə uzun olacaq. Azərbaycanın nə qədər düşmənləri az olacaq, Azərbaycanla nə
qədər kəskin danışan tərəflər az olacaqsa, Rusiyanın qolu-qanadı o qədər çox
qırılacaq.
ARDI ŞƏRHDƏ

Tag: bir istək var – TALEH ƏLİYEV şərh edir…

HƏMAS-dan gözlənilməz bəyanat: 4 şərt irəli sürüldü, bir istək var –...