Bu gün Ümid Partiyasının sədri, millət vəkili İqbal Ağazadənin Facebook profili oğurlanıb. Bu barədə millət vəkili özü GUNDEMİNFO.AZ -a məlumat verib.

İqbal Ağazadə profilinin oğurlanması barədə bu gün sosial şəbəkədə açdığı yeni ünvanı vasitəsilə məlumat verəcəyini bildirdi. Eyni zamanda əlavə etdi ki, millət vəkilinin bu profili vasitəsilə hansısa təxribatlar edilməsin deyə bütün dostları xəbərdar edəcək.

Qarabağ blokunun Ümid Partiyasının mərkəzi qərargahında növbəti toplantısı keçirilib.

“Qafqazinfo”nun məlumatına görə, toplantıda qərarların icrası, ölkədəki ictimai- siyasi vəziyyət, Azərbaycan – Almaniyaya münasibətləri, Şuşanın işğal edilməsinin 20-i ili ilə bağlı blokun keçirəcəyi tədbir, Prezident Administrasiyasının xarici əlaqələr şöbəsinin müdiri Novruz Məmmədovun “Azərbaycanın Qərbyonümlü siyasətinə yenidən baxacağı və başqa bir siyasi bloka qoşulmaq ehtimalı” haqda verdiyi bəyanat və “Freedom House” təşkilatının dünyada mətbuat azadlığı ilə bağlı hesabatı müzakirə olunub.

İclasda qərarların icra vəziyyəti qənaətbəxş qiymətləndirilib. Avropanın aparıcı dövləti olan Almaniya ilə münasibətlərin gərginləşdirilməsini pisləyən toplantı iştirakçıları hökumətin bu siyasətinə etiraz olaraq bəyanat qəbul edib.

Ardı »

Realist olmağa çalışırıq. Amma dünya sosial-demokratlarının hətta özlərinə şüar kimi seçdikləri formatda – mümkün olmayanı da arzulamırıq. Biz hakimiyyətə iddialı partiyayıq. Hətta iddia etdiyimizə bir əl uzatmaqla çatacağımız qənaətini də yəqinləşdirmişik. Çünki diletant deyilik. Kimsəyə qaxıncımız da yox.

Düşmən haqda isə düşüncələrimiz yalnız bir müstəviyə yönəlib və həmin istiqamətdə də formalaşıb – Qarabağda, ermənilərlə. Sərhədlərimiz içərisində isə hər kəsi, hətta sevməyənlərimizi belə anlayışla qarşılayırıq, özümüzünkü hesab edirik. Bizim sevmədiyimiz isə yoxdur. Ümumiyyətlə “səni sevmirəm” anlayışından çox uzağıq. Rəhbər olacaqsansa hər kəsi sevmək borcundur prinsipini ən sıravi üzvümüzə belə aşılayırıq.

Ardı »

İqbal Ağazadə: “Heç kim məni ümummüxalifət məsələsində kənarda saxlaya bilməz”

Ümid Partiyasının sədri, millət vəkili İqbal Ağazadənin “Vətəninfo.az”a Eksklüziv müsahibəsi
- İqbal bəy Milli Məclisdə siyasi partiyaların maliyələşməsi məsələsi ilə bağlı qanun qəbul edildi. Qəbul edilən qanun sizi qane etdimi?
- Qanun normal dövr üçün kifayət qədər sanballı ola və tərəflərin maraqlarını əhatə edə bilərdi. Əgər seçkilər demokratik keçirilsəydi, tərəflər seçkilərin nəticələrini tanımış olsaydı, tərəflərin seçkilərə münasibəti eyni olsaydı. Məsələn, maliyyələşmədə parlamentdən kənarda qalan partiyalar 3 faizlik barajı aşarkən maliyə verilməməsi normal haldı.Avropanın bir çox ölkələrində bu 5 faizlik barajdı. Türkiyədə isə 7 faizdir. Amma seçkinin nəticələrinə münasibət eyni deyil. Əgər siyasi partiya bir institut kimi formalaşmaq niyyəti güdürsə bu qanuna görə, başlanğıcda partiyalara bərabər səviyyədə maliyyə ayrılmalıdır. Seçki yox, seçkilərdə iştirak faktorunun özü əsas götürülməli idi. 17 siyasi partiya son parlament seçkilərində iştirak edib. Biz təklif edirdik ki, maliyyə bunlar arasında bərabər bölünsün və keçid müddəaları hesab olunsun. 2015-ci ildən sonra isə məhz təklif olunan bu qanun qüvvəyə minsin. Çox təssüf ki, bu olmadı və qanun bu şəkildə qəbul edildi. Hər halda yeni qanun layhəsi qəbul olunub. Amma istənilən halda da növbəti mərhələlərdə dəyişikliklər üçün çalışacağıq.

Ardı »

ÖMÜRLÜK MƏHKUMLARLA BAĞLI MƏHKƏMƏ QURULSUN

Modern.az-ın məlumatına görə, Milli Məclisin aprelin 20-də keçirilən iclasında cari məsələlər müzakirə olunarkən deputat İqbal Ağazadə Azərbaycandakı ömürlük məhkumlarla bağlı təklif irəli sürüb.

Millət vəkili bildirib ki, 1998-ci ildə Milli Məclisin qərarıyla Azərbaycanda ağır cinayətlər törətmiş şəxslər barəsində güllələnmə hökmü ləğv olunub və onların cəzası ömürlük həbslə əvəzlənib.

Ardı »

Bildiyiniz kimi beş Müxalifət partiyaları bir müddət əvvəl bir araya gəliblər. Bununla bağlı mətbuata açıqlama verən Azərbaycan Demokratik partiyasının (ADP) sədri Sərdar Cəlaloğlu «niyə bu görüşdə İqbal Ağazadə iştirak etmir?» sualına “ Ümüd partiyasına yaxşı baxmırlar” deyə cavab verib. Məsələ ilə bağlı “Vətəninfo”ya açıqlama verən Ümüd partiyasının funksioneri Ənvər Ağazadə qeyd etdi ki, heç bir partiya ilə problemləri yoxdur: «Biz bütün partiyalarla normal münasibətdəyik. Ola bilsin yanaşmalarımız fərqlidi. Yəni biz Azərbaycandakı ictimai siyasi vəziyyətdə bizim partiyanın qarşıya qoyduğu məqsəd strategiya o biri partiyalardan fərqlidi. Bunu cəmiyyət daha dəqiq qiymətləndirə bilər. O ki, qaldı Sərdar Cəlaloğlunun dediklərinə biz Azərbaycan Demokrat partiyası (ADP) ilə bir blokdayıq. Biz Qarabağ blokunda təmsil olunuruq. Əməkdaşlığımız da çox yüksək səviyyədə davam edir”.

“Bu işləri görən hökumətdir. Biz qətiyyətlə istənilən vətəndaşın və jurnalistin döyülməsini və ona qarşı fiziki zor tətbiq edilməsinin əleyhinəyik”. Bu fikirləri “Vətəninfo.az”-a açıqlamasında Ümid Partiyasının sədri millət vəkili İqbal Ağazadə bildirib. Onun sözlərinə görə, bütün problemlər qanun çərçivəsində çözülməlidir.:
“Hökuməti və vətəndaşları problemləri qanuni şəkildə həll etməyə çağırırıq. Digər tərəfdən vətəndaşlara zor tətbiq edən şəxslərə qarşı Azərbaycan Respublikasının Cinayət Məcəlləsinin müvafiq maddələri ilə cinayət işi qaldırılmalıdır. Amma ümumlikdə bu məsələdə vətəndaşların hər hansı bir günahı yoxdur. Problemə görə məsuliyyəti əraziyə baxan bələdiyyə orqanı daşıyır. Torpaqları vətəndaşlara bələdiyyə satıb. Bunun hamısına cavabdeh tərəf bələdiyyələr olmalıdır. Eyni halda bu torpaqları vətəndaşlara satan bələdiyyələr qanun qarşısında cavab verməlidirlər”. –deyə İ.Ağazadə əlavə edib.
Oral MƏDƏNÇİ

Mərkəzi Seçki Komissiyasının üzvü Akif Qurbanov qurumun rəhbərlisinə müraciət-sorğu ünvanlayıb.

Ümid Partiyasının mətbuat xidmətindən “Qafqazinfo”ya daxil olan məlumatda bildirilir ki, o öz müraciətində MSK-nın 4/10 saylı 19 iyul 2011-ci il tarixli qərarı ilə Dairə Seçki Komissiyalarının tərkibinin müəyyən edildiyini qeyd edib. O, müraciətində yazıb ki, əksər DSK-nın 9 üzvdən 3 üzvü namizədliyi deputatları Milli Məclisdə azlıq təşkil edən siyasi partiyaları MSK-da təmsil edən komissiya üzvləri, o cümlədən iddiaçı olaraq tərəfimdən müəyyən edildiyi halda, Naxçıvan MR-da olan 1-7 saylı DSK-ların 3 üzvünü MSK-da azlıqda olan siyasi partiyaları təmsil edən komissiyanın üzvlərinə müvafiq siyasi partiyaların yerli təşkilatları da təqdim ediblər: “Lakin yenə də, adına təmsil olunduğum nə Ümid Partiyasının sədrinin 7 iyul 2011-ci il tarixli müraciəti, nə də partiyanın Naxçıvanda olan yerli təşkilatının rəyi nəzərə alınmayıb”.

MSK üzvü A.Qurbanov qeyd edib ki, dairə seçki komissiyasının üzvlüyünə namizədləri komissiyada siyasi partiyaları təmsil edən komissiyanın üzvlərinə müvafiq siyasi partiyaların yerli təşkilatları da təqdim edə bilərlər: “Azərbaycan Respublikası İnformasiya əldə etmək haqqında qanunun və Məlumat Azadlığı haqqında qanunun tələblərinə əsasən aşağıdakı informasiyaları mənə verməyinizi sizdən xahiş edirəm:

Birincisi DSK-ların formalaşmasında müvafiq siyasi partiyaların yerli təşkilatlarının iştirakı, həmin səlahiyyətlərə malik MSK üzvlərinin bundan imtina etdiyi və ya buna razılıq verdiyi halda mümkün olur, yaxud da hansısa digər əsaslar mövcud olduqda mümkün olur?
İkincisi hər iki normada həm “MSK-da təmsil edən komissiya üzvləri tərəfindən… təqdim edilir”, həm də “müvafiq siyasi partiyaların yerli təşkilatları da təqdim edə bilər” ifadələri namizədləri təqdim edən şəxslərin arasında razılaşdırılmış təqdim etməni ehtiva edir. Lakin qanunun məzmunundan aydın olmur ki, bu razılaşdırma konsensus qaydasında və ya səs çoxluğu ilə müəyyən edilmiş razılaşdırma olmalıdır?
Üçüncüsü qanunda qeyd olunan ““MSK-da təmsil edən komissiya üzvləri tərəfindən… təqdim edilir” ifadəsi hər bir MSK üzvünün bu hüququnu ayrı-ayrılıqda birbaşa həyata keçirməsini və ya onların bu təqdim etməni razılaşdırdıqları şəxs, yaxud MSK sədri vasitəsi ilə həyata keçirməsini nəzərdə tutur?
Dördüncüsü MSK iclasında səsverməyə çıxarılan hər hansı sənəd və qərar layihəsinin müəyyən bir hissəsi mübahisə doğurduqda və həmin hissəyə dair əlavə təkliflər olduğu təqdirdə, layihə bütövlükdə səsverməyə çıxarılması baxımından nə qədər hüquqa uyğundur?

Xəbər verildiyi kimi, MSK üzvü Akif Qurbanov seçki komissiyalarının formalaşdırılması zamanı baş verən qanun pozuntularına görə təmsil olunduğu qurumu məhkəməyə vermişdi.

İddiaçı Akif Qurbanovun vəkili Xalid Bağırovun dediyinə görə, proses Ali Məhkəmənin qərarından sonra yenidən 2 saylı Bakı İnzibati İqtisad Məhkəməsində davam etdirilib: “Məhkəmə iddiaçı Akif Qurbanovun və MSK-nı təmsil edən Ramiz İbrahimovun izahatları ilə başlayıb. İddiaçının nümayəndəsi X.Bağırov vəsatət verərək, MSK üzvü Mikayıl Rəhimovun və “Ümid” partiyasının üçüncü şəxs qismində işə cəlb olunmasını, VHP-nin nümayəndəsinin şahid qismində dindirilməsini tələb edib.
Təbii ki, o, vəsatətini əsaslandırıb. İddiaçı qeyd edib ki, DSK-dakı yerlərin ədalətsiz bölgüsü nəticəsində “Ümid” partiyasının mənafeyi pozulub. Bu səbəbdən həmin partiyada mübahisəyə maraqlı şəxs kimi cəlb olunmalıdır. Vəsatətlərin müzakirəsi növbəti iclasa saxlanılıb”.

Müxbirimizin “MSK-nın haqsız olduğunu göstərən başqa faktlar ortaya çıxdımı” sualına Xaliq Bağırov belə cavab verib:
“Məhkəmənin gedişində məlum oldu ki, MSK yuxarıda qeyd olunan qərarları qəbul edilərkən bir sıra hüquq pozuntusuna yol verib. Belə ki, qanunda DSK-nın azlıqda olan nümayəndələrini MSK-nın Milli Məclisdə azlıqda olan partiyalarını təmsil edən üzvləri təqdim etməlidirlər. Bu, seçki Məcəlləsinin 30.2-ci maddəsinin tələbidir. Lakin həmin DSK üzvlərini MSK-nın iclasına bir nəfər – M.Rəhimov təqdim edib. M.Rəhimov bu siyahını təqdim edərkən bir hissəsini Akif Qurbanovla razılaşdırsa da, Naxçıvan MR-da yerləşən DSK-lara aid hissəsini razılaşdırmayıb. Bildirib ki, həmin DSK -lara nümayəndələri A.Qurbanov gec təqdim edib. Akif Qurbanov isə bütün dairələr üzrə nümayəndələri eyni vaxtda təqdim edib.

MSK- tərəfindən yol verilən digər pozuntu isə M.Rəhimov tərəfindən DSK-lara onların nümayəndələri təqdim edildikdən sonra, Naxçıvan DSK-ları ilə bağlı problemin olduğunu, Akif Qurbanovun etiraz etdiyini bildiyi halda, bütün dairələri eyni vaxtda səsverməyə çıxarmasıdır. Bunu etməməli idi. Mübahisəli dairələr məsələsi ayrıca müzakirə edilib, qərar qəbul edilməli idi.

Sonda qeyd edək ki, məhkəmə prosesində növbəti iclas aprelin 20-də, 2 saylı İnzibati – İqtisad məhkəməsində davam edəcək.

Azərbaycan Milli Məclisi “Siyasi Partiyalar haqqında qanuna dəyişiklik və əlavələr haqqında” qanun layihəsini müzakirəyə çıxarıb. Ümid Partiyasının sədri, Milli Məclisin deputatı İqbal Ağazadə Amerikanın Səsi radiosuna müsahibəsində qanuna ediləcək dəyişikliyin əsasında siyasi partiyaların dövlət büdcəsindən maliyyələşdirilməsi məsələsinin durduğunu bildirib.
Qanuna dəyişikliklərə əsasən, dövlət büdcəsindən ayrılacaq maliyyə vəsaitinin ümumi məbləğinin 10 faizini deputatlığa namizədləri Milli Məclisə keçirilən son seçkilərdə etibarlı səslərin azı 3 faizini qazanan, lakin Milli Məclisdə təmsil olunmayan siyasi partiyalar arasında bölünür. Vəsaitin 40 faizi parlamentdə təmsil olunan siyasi partiyalar arasında bərabər bölünür. Yerdə qalan 50 faiz vəsait isə Milli Məclisə seçilən deputatların sayına uyğun olaraq təmsil olunduqları partiyalar arasında bölünür.

Ardı »